ევროკავშირში უმუშევრობის დონე რვა თვის მაქსიმუმზეა

ევროკავშირში უმუშევრობის დონე ბოლო 8 თვის მაქსიმუმზეა. ამის შესახებ Euronews-ი წერს.

მაისში უმუშევრობის დონე 6,7%-ით მეტი იყო, ვიდრე აპრილში. თუმცა აცხადებენ, რომ უარესი სცენარის თავიდან აცილება შეძლეს.

გამოცემის ცნობით, კორონავირუსის პანდემიამ მძიმე გავლენა მოახდინა ეკონომიკის სხვადასხვა სექტორზე. მათ შორის ევროზონაში ქალებში უმუშევრობის დონე 6,9%-დან 7,2%-მდე გაიზარდა. კაცებს შორის კი უმუშევრობის დონე არ შეცვლილა.

შრომის საერთაშორისო ორგანიზაციაში ამ ფაქტს ასე ხსნიან: „რა სექტორებზეც პანდემიამ მოახდინა გავლენა, ძირითადად ქალები არიან დასაქმებულნი. ეს არის მომსახურების სფერო, ჯანდაცვა, სოცუზრუნველყოფა. არსებობს საფრთხე, რომ ევროზონაში დასაქმების კუთხით გენდერული ბალანსი დაირღვეს“, – აცხადებენ შრომის საერთაშორისო ორგანიზაციაში.

ევროპის ცენტრალური ბანკის პროგნოზით, 2020 წლის მესამე კვარტალში უმუშევრობამ ევროზონაში შესაძლოა 10%-ს გადააჭარბოს, რადგან ევროპული კომპანიების უმეტესობამ მუშახელის შემცირების შესახებ განაცხადა.