ისრაელი 12 წლის ზემოთ ბავშვების ვაქცინაციის დაწყებას უახლოესი 2 თვის განმავლობაში გეგმავს, თუ შესაბამისი კვლევა ამ ასაკობრივ ჯგუფში ვაქცინის გამოყენების უსაფრთხოებას დაადგენს. ამის შესახებ პანდემიის საკითხებზე ისრაელის ეროვნულმა კოორდინატორმა, ნახმან აშმა განაცხადა.
ნახნმან აშის განცხადებით, ფარმაკოლოგიური კვლევა დაადგენს, რომ ვაქცინის მიღების მინიმალური ასაკობრივი ზღვარი 16-დან 12 წლამდე უსაფრთხოდ შეიძლება შემცირდეს.
„ის, რომ 16 წლამდე ასაკის ბავშვები ამჟამად ვაქცინაციას არ გადიან შემაშფოთებელია კოლექტიური იმუნიტეტის მიღწევის თვალსაზრისით. ვფიქრობ, უახლოეს ერთ ან ორ თვეში ვაქცინაციისთვის 12 წლის ზემოთ პირების ჯგუფი გვეყოლება“, – განაცხადა ნახმან აშმა.
ისრაელის სტატისტიკის ცენტრალური ბიუროს მონაცემებით, 12-დან 16 წლამდე ასაკის პირები ქვეყნის მოსახლეობის დაახლოებით 7,75%-ს შეადგენს.
კომენტარები