კალიფორნიის საზოგადოებრივი ჯანდაცვის სფეროს წარმომადგენლის განცხადებით, ყოველ საათში შტატში 2 ადამიანი იღუპება და მდგომარეობა საგანგაშოა. ასევე, ამერიკის სამედიცინო ასოციაციის განცხადებით, ამჟამად კორონავირუსი არის უფრო საშიში, ვიდრე სიმსივნე და გულის დაავადებები. მათივე განცხადებით, ქვეყნის მასშაბით კორონავირუსი არის ნომერ პირველი მკვლელი დაავდება.
16 დეკემბერს, ქვეყნის მასშტაბით, კოვიდ გარდაცვალების 3 500-ზე მეტი შემთხვევა დაფიქსირდა, რაც ახალი ანტირეკორდია. ასევე, აშშ-ში ინფიცირების საშუალო, დღიური მაჩვენებელია 215 729. მხოლოდ 16 დეკემბერს საავადმყოფოებში მოთავსებას საჭიროებდა 113 090 ადამიანი.
გასულ კვირას კიდევ 885 ათასი ახალი ადამიანი აღირიცხა აშშ-ში, როგორც უმუშევარი, რისი მოლოდინიც ჰქონდათ ეკონომისტებს. ეს სექტემბრის შემდეგ დაფიქსირებული ყველაზე მაღალი მაჩვენებელია. არსებობს მონაცემები, რის მიხედვითაც, ამჟამად 5 მილიონ 500 ათასი ადამიანია აღრიცხული, რომლებიც ეძებენ სამსახურს.
კომენტარები