„სტრატეგია აღმაშენებლის“ ერთ-ერთი ლიდერი, თაკო ჩარკვიანი, რომელიც Covid-19-ითაა ინფიცირებული, „პრაიმტაიმთან“ საკუთარი ჯანმრთელობის მდგომარეობის შესახებ საუბრობს.
ჩარკვიანის თქმით, თავად, ასევე დედა და მეუღლე, რომლებიც ასევე ინფიცირებულები არიან, თავს შედარებით კარგად გრძნობენ.
„თავს უკეთ ვგრძნობთ, რა შედარებაა. განმეორებითი PCR-ტესტი ჯერ არ გაუკეთებიათ.
სისუსტემ გაიარა, შეძლებისდაგვარად. ანალიზებიც ბევრად უკეთესია, ვნახოთ რა იქნება. ჯოჯოხეთური ვირუსი კი არის, ხალხო!
ადამიანები ღიზიანდებიან როცა ვეუბნები, რომ არ არსებობს უსიმპტომო პაციენტი. შიგნით რა ფუთფუთებს და რას აკეთებს, ეს უფალმა იცის. პნევმონიას მე გავუმკლავდი, ჩემს მეუღლესთან 78%-იანი დაბურვა იყო.
10-12 დღის განმავლობაში შეგრძნება მქონდა, რომ ვიყავი საუნაში, თანაც 24 საათი. 3 დღეა უკეთ ვარ. გაცლის ნატრიუმს, კალიუმს, ყველაფერს. მედიკოსები ამას ძალიან პროფესიონალურად მართავენ. გაწვდიან ვიტამინებს, რა ორგანოსაც აზიანებს, ისინი გეხმარებიან, რომ ჩააქრონ ფილტვების ანთება, მოგეხმარონ C-ვიტამინით, ჰაერის უკმარისობის შემთხვევაში – დექსამეტაზონით და ა.შ – შევსებით გეხმარებიან. უდაოდ, ეფექტურად მუშაობენ“, – ამბობს ჩარკვიანი.
კომენტარები