არ მესმის, რატომ უნდათ დედამთილებს, რძლებმა დედა დაუძახონ, – ამის შესახებ ტელეწამყვანმა, გვანცა დარასელიამ ჟურნალ “თბილისელებთან” ინტერვიუში აცხადებს.
დარასელია ამბობს, რომ არ შეიძლება, როცა დედამთილი ან მამამთილი არ უყვართ, თუმცა მაინც დედასა და მამას ეძახიან.
მისივე თქმით, დედაშვილობა დედამიწაზე ყველაზე წმინდა ურთიერთობაა.
“არ მიმაჩნია სწორად. მისაუბრია გოგონებთან, რომლებიც ძალიან პატარები თხოვდებიან, ქმრის ოჯახში იზრდებიან და დედამთილს დედას ეძახიან, მაგრამ ეს მათი არჩევანია. მე ერთი დედა მყავს და დედას ყოველთვის მას დავუძახებ. ეს დედამიწაზე ყველაზე წმინდა ურთიერთობაა. ისიც არ მესმის, რატომ უნდათ დედამთილებს, რძლებმა დედა დაუძახონ. სიყვარული და პატივისცემა ბევრნაირად შეიძლება გამოხატო და ხშირად რძლებს ძალიანაც არ უყვართ დედამთილ-მამამთილები, მაგრამ მაინც დედასა და მამას ეძახიან “, – განაცხადა გვანცა დარასელიამ.
კომენტარები