HBO Max-ი საკულტო სერიალის „სექსი დიდ ქალაქში“ გაგრძელების გადაღებას გეგმავს. ამის შესახებ Page Six-ი იტყობინება.
გამოცემის ინფორმაციით, სერვისი მინი-სერიალზე მუშაობს, რომელშიც ოთხი მთავარი გმირიდან სამი – კერი, მირანდა და შარლოტა გამოჩნდებიან. სარა ჯესიკა პარკერი, სინტია ნიქსონი და კრისტინ დევის თავის როლებს დაუბრუნდებიან. თუმცა, ახალ პროექტში არ მიიღებს მონაწილეობას კიმ კეტროლი, რომელიც სამანტას როლს ასრულებდა.
ახალი სერიალის სიუჟეტის დეტალები ამ ეტაპზე უცნობია. ინფორმაციაზე კომენტარი არც HBO Max-ის წარმომადგენლებს გაუკეთებიათ.
„სექსი დიდ ქალაქში“ ეკრანებზე 1998 წელს გამოვიდა, სერიალი ნიუ-იორკში 4 მეგობრის ცხოვრებას ეძღვნებოდა. შოუს 2 სრულმეტრაჟიანი ფილმი მოჰყვა.
კომენტარები