მეგან მარკლიმ და პრინცმა ჰარიმ ბრიტანეთის სამეფო ოჯახი კიდევ ერთხელ ჩააგდეს უხერხულ მდგომარეობაში.
ამის მიზეზი კი მათი სატელევიზიო გამოჩენა გახდა. მათ ერთ-ერთ ტელეკომპანიას ინტერვიუ მისცეს, სადაც განაცხადეს, რომ ახლა ამერიკაში გადამწყვეტი არჩევნებია.
საზოგადოებამ ეს ყველაფერი ჯო ბაიდენის მხარდაჭერისადმი მოწოდებად აღიქვა.
თუმცა წყვილს ინტერვიუს დროს არც დონალდ ტრამპი უხსენებია და არც ჯო ბაიდენი.
ინტერვიუს გამოეხმაურა დონალდ ტრამპიც. “მე მისი დიდი გულშემატკივარი არ ვარ- მას სავარაუდოდ ეს აქამდეც სმენია – მაგრამ ჰარის იღბალს ვუსურვებ, მას ეს ნამდვილად სჭირდება,”- უპასუხა აშშ-ის პრეზიდენტმა Daily Mail U.S-ის პოლიტიკურ რეპორტიორს ნიკი შვაბის.
როდესაც მეგან მარკლიმ და პრინცმა ჰარიმ სამეფო ოჯახი დატოვეს, პირობა დადეს, რომ ისინი მისი უდიდებულესობის ღირებულებებს მხარს დაუჭერდნენ, თუმცა ეს პირობა დაარღვიეს, რადგან ბრიტანეთის სამეფო ოჯახის ერთ-ერთი მთავარი მოთხოვნაა, მისი წევრები პოლიტიკურად ნეიტრალური ადამიანები იყვნენ.
The Sunday Times სამეფო ოჯახის პერსონალზე დაყრდნობით იუწყება, რომ დედოფალი შვილიშვილის და მისი მეუღლის სამაგალითოდ დასჯას ფიქრობს.
ინსაიდერების ცნობით, მათ შესაძლოა სამეფო ტიტულიც კი წაართვან.
კომენტარები