ყველასთვის საყვარელი მსახიობი, მაკა ძაგანია რომელიც პოპულარული “ჩემი ცოლის დაქალებში” შესრულებული როლით გახდა , ყვება როგორ გადაიტანა კარანტინი და რამ შეუმსუბუქა მძიმე დღეები.
მსახიობის თქმით, მას მარტიდან არსად უმუშავია და უშემოსავლო დარჩა, ამიტომ გადაწყვიტა აგარაკზე გადასულიყო და მიწათმოქმედებით გაერთო თავი.
“შარშან მარტიდან არსად მიმუშავია, საერთოდ უშემოსავლოდ დავრჩი. როგორც კი ყველაფერი დაიხურა, საცხოვრებლად აგარაკზე გადავედი და მიწათმოქმედებას მივყავი ხელი. ამან გამიხალისა ცხოვრება და გადამატანინა ეს პერიოდი. გაზაფხულზე დავთესე და მქონდ ჩემი პომიდორი, ბულგარული, მწვანილი, ბადრიჯანი… არ შევწამლე და ბიოპროდუქტი მივიღე. ყველაფერს ჩემი ხელით ვუვლიდი. სხვათა შორის, იმდენი პომიდორი მომივიდა, ჩემი საწებელიც გავაკეთე. ყვავილები გავახარე… ჩემი დილა ასე იწყებოდა, შემოვივლიდი ბაღსა და ბოსტანს, დავხედავდი, როგორ მიდის საქმე – რა ყვავის, რომელი მცენარე გაიზარდა, რომელი – არა, ჩითილებიც გამოვიყვანე… ასე რომ, დაკავებული ვიყავი და ამან მიშველა” , – ამბობს მსახიობი ჟურნალ “გზასთან”.
კომენტარები